Anulohet vendimi për paraburgim në rastin e “1 milionëshit”, Supremja e kthen në rivendosje

Gjykata Supreme e Kosovës, në çështjen penale ndaj të pandehurve Edmir Ahmagjokaj, Aurel Kaziu, dhe Ardit Laska, për veprën penale shpëlarja e parave, ka marrë vendim lidhur me ankesat e paraqitura nga mbrojtësit e të pandehurve. 1 milion euro të kapura në Merdare, i përfshirë polici i Tiranës – del emri – Klan Kosova Duke vendosur mbi ankesat kundër aktvendimit të Gjykatës së Apelit të Kosovës, PN.1.S.nr.68/2026 të datës 18 mars 2026, në seancën e kolegjit të mbajtur më 30 mars 2026, Supremja ka vendosur të aprovojë ankesat e mbrojtësve të të pandehurve, të anulojë aktvendimin e Gjykatës së Apelit dhe çështjen ta kthejë në rivendosje, në të njëjtën gjykatë, transmeton klankosova.tv U kapen me rreth 1 milion euro në Merdare, kërkohet paraburgim për tre të dyshuarit – Klan Kosova Gjykata Themelore në Prishtinë, Departamenti Special, me aktvendimin e datës 9 mars 2026, kishte refuzuar kërkesën e Prokurorisë Speciale për caktimin e paraburgimit ndaj të pandehurve. Ndërkaq, Gjykata e Apelit e Kosovës, më 18 mars 2026, kishte aprovuar ankesën e Prokurorisë dhe kishte ndryshuar këtë vendim duke u caktuar të pandehurve masën e paraburgimit prej 30 ditësh. Rasti i 1 milion eurove, Apeli anulon aktvendimin e Themelores për lirimin e 3 të dyshuarve – Klan Kosova Kundër këtij vendimi, mbrojtësit e të pandehurve paraqitën ankesa, duke kundërshtuar ligjshmërinë dhe bazueshmërinë e paraburgimit. Gjykata Supreme vlerësoi se ankesat janë të bazuara dhe konstatoi se aktvendimi i Gjykatës së Apelit përmban shkelje esenciale të dispozitave të procedurës penale. Sipas vlerësimit të Gjykatës Supreme, shkalla e dytë nuk ka bërë ndërlidhjen e qartë ndërmjet provave dhe veprimeve të të pandehurve. Gjykata Supreme thekson se ekzistimi i dyshimit të bazuar është kusht themelor për caktimin e paraburgimit, në përputhje edhe me praktikën e Gjykatës Evropiane për të Drejtat e Njeriut.