Apelon drejtori kosovar i OBSH-së në Bullgari: Mbani maskat e rrini larg njëri-tjetrit

Drejtori i Organizatës Botërore të Shëndetësisë në Bullgari, Skënder Syla, ka folur rreth gjendjes me pandeminë Covid-19. Syla nëpërmjet një postimi në Facebook ka shkruar për situatën aktuale me pandeminë COVID-19, ku tha se kemi sakrifikuar shumë dhe falë përkushtimit të qytetarëve e kemi tejkalu gjendjen me pasoja sa më të vogla shëndetësore, njofton Klan Kosova Syla bëri thirrje për respektim të masave të vëna nga IKSHPK, do të jetë kontributi më i vogël që mund të ndikojë në mbrojtjen e shëndetit publik. Ky është postimi i plotë: Qytetarë të dashur! Kemi sakrifikuar shumë si në aspektin social poashtu edhe atë ekonomik deri sot në përballjen me COVID-19. Falë përkushtimit tuaj dhe sjelljeve të kujdesshme kemi tejkaluar gjendjen me pasoja sa më të vogla shëndetësore. Në normalitetin e ri të krijuar tri gjëra janë esenciale për të mbajtur situatën nën kontroll; mbajtja e distancës; vendosja e maskave sidomos aty ku nuk mund të mbahet distanca si dhe pastrimi i rregulltë i duarve. Një kontribut i vogël i secilit nga ne do të ndikoj në mbrojtjen e shëndetit publik të të gjithë neve sidomos kategorive më të ndjeshme të popullatës. Institucionet duhet monitorojnë dhe sigurojnë zbatimin e masave.