Apple vjen me aplikacion të ri, mund të kompozoni muzikë

Kur vjen puna te të kompozuarit muzikë, inspirimi mund të vije në çdo kohë e çdo kund. Nëse keni prirje muzikore, dhe inspirimi ju vjen në rrugë në kafene apo autobus, për këtë kujdeset gjigandi Apple. Kompania Apple e ka krijuar një aplikacion të ri muzikor me anë të të cilit mund të bëhen bashkë meloditë, e të krijohet vijë muzikore, transmeton Klan Kosova. Aplikacioni i ri quhet “Music Memos” dhe shërben si regjistrues muzikor, me anë të të cilit kompozitorët mund t’i bëjnë bashkë notat e të kompozojnë pjesë muzikore. Aplikacioni mund të shkakrkohet falas në App Store. Ai funksionon në iPhone 4S dhe versionet më të reja deri tek iPad.