Arrestohen katër të dyshuar të tjerë në hetimin për grabitjen e Luvrit

Policia franceze arrestoi katër të dyshuar të tjerë të martën, si pjesë e hetimit për grabitjen e guximshme të xhevahirëve të Luvrit muajin e kaluar. Kështu tha prokurorja e Parisit Laure Beccuau në një deklaratë, raporton Reuters, transmeton Klankosova.tv. Të dyshuarit janë dy burra të moshës 38 dhe 39 vjeç dhe dy gra të moshës 31 dhe 40 vjeç, dhe po merren në pyetje nga policia, thuhet në deklaratë. Ende nuk është zbuluar se çfarë roli dyshohet se kanë luajtur të katër në grabitjen gjatë ditës, në të cilën katër hajdutë u larguan me xhevahire me vlerë 102 milionë dollarë.