Arrestohet 41-vjeçari në Rrogozhinë pasi ndezi zjarrin që shkrumboi 10 hektarë tokë

Një 41-vjeçar është arrestuar në Rrogozhinë, nën dyshimin se kishte ndezur zjarr dhe si pasojë u dogjën qindra pemë ulliri, pemë frutore dhe 10 hektarë bimësi, si dhe u rrezikuan banesat përreth. Sipas hetimeve të policisë, i dyshuari ka qenë duke punuar në oborrin e një banese dhe ka ndezur zjarr aty, për djegien e mbeturinave. Si pasojë e erës së fortë, zjarri është përhapur shpejt duke djegur një sipërfaqe toke me bimësi, transmeton Klankosova.tv. Materialet procedurale i kaluan Prokurorisë, për veprime të mëtejshme. Policia e Shtetit ndër të tjera ka apeluar për qytetarët që të mos shkaktojnë zjarr në asnjë rast, pasi do të përballen me ligjin.