Arrestohet Arbër Havolli, i dyshuari për vrasjen e Bashkim Spahiut në Podujevë

Është arrestuar Arbër Havolli, i dyshuari për vrasjen e 44-vjeçarit, Bashkim Spahiu, që ndodhi në Llapashticë të Epërme të Podujevës. Kjo ngjarje kishte ndodhur më 6 shtator të këtij viti dhe Policia kishte njoftuar se Havolli ishte i shpallur në kërkim. “Sot nga Drejtoria e Policisë së Kryeqytetit, më konkretisht nga zyrtarë të Stacionit Policor Veriu në Prishtinë, është lokalizuar dhe arrestuar një person i dyshuar që ishte në kërkim për vrasje. Rasti kishte ndodhur më 6 shtator 2025, në fshatin Llapashticë e Epërme të Podujevës”. “Njësitet policore kanë ndërmarrë një operacion në Prishtinë, i cili ka rezultuar me arrestimin e personit të dyshuar:  A.H, mashkull, 31 vjeç, shtetas i Republikës së Kosovës, i cili ishte i shpallur në kërkim nën dyshimin e bazuar për përfshirje në veprën në fjalë. Veprimet e mëtejme lidhur me personin e dyshuar do të merren në koordinim me Prokurorin e Shtetit”, thuhet në njoftimin e policisë./Klankosova.tv https://www.youtube.com/watch?v=V7UGAIkOYBc https://klankosova.tv/111vrasja-ne-llapashtice-10-plumba-u-shkrepen-ne-trupin-e-44-vjecarit-video/