Arrestohet dhe suspendohet polici në Prizren, dyshohet për dhunë ndaj një qytetari

Inspektorati Policor i Kosovës ka arrestuar një zyrtar policor nën dyshimin për “keqtrajtim gjatë ushtrimit të detyrës zyrtare” dhe “lëndim të rëndë trupor”. E gjitha ndodhi pas një incidenti gjatë ndalimit të një qytetari për kundërvajtje në trafik, transmeton klankosova.tv Zyrtari është suspenduar dhe ndaj tij është caktuar masa e ndalimit prej 48 orësh. Hetimet po vazhdojnë në bashkëpunim me Prokurorinë Themelore në Prizren.