Arrestohet i dyshuari i tretë për grabitjen në muzeun e Louvre

Një i dyshuar i tretë është arrestuar në lidhje me grabitjen e Luvrit në Paris, raportoi të enjten stacioni televiziv francez BFM. Arrestimi ndodhi në rajonin e Parisit vonë të mërkurën, tha BFM, duke shtuar se burri dyshohet se ka qenë i pranishëm në vendin e ngjarjes kur ndodhi grabitja, transmeton Klankosova.tv. Katër hajdutë me kapuç vodhën bizhuteri të çmuara nga galeria Apollo e Luvrit, shtëpia e Xhevahireve të Kurorës Franceze, gjatë orarit të hapjes mëngjesin e 19 tetorit, duke zbuluar mangësitë e sigurisë në muzeun më të vizituar në botë. Dy burra të arrestuar fundjavën e kaluar me dyshimin për hyrjen me forcë në muze përmes një dritareje në katin e sipërm dhe vjedhjen e objekteve të çmuara kanë " pranuar pjesërisht " përfshirjen e tyre në grabitje, tha prokurori i Parisit të mërkurën. Xhevahiret mbeten të zhdukura.