Arrestohet i mituri, dyshohet se theri me thikë një person në Bardhosh

Policia e Kosovës ka njoftuar se e ka arrestuar një të mitur, pasi që dyshohet se ai ka therur me thikë një person. Ky rast ka ndodhur në fshatin Bardhosh të Prishtinës. Ai dyshohet se me këto veprime ka kryer dy vepra penale, atë të lëndimit të rëndë trupur dhe të armëmbajtjes pa leje. “Bardhosh, Prishtinë 24.03.2026-13:30. Është arrestuar i dyshuari mashkull kosovar i mitur pasi që i njëjti ka therë me thikë viktimën mashkull kosovar. Viktima ka pranuar tretman mjekësor ndërsa, i dyshuari pas intervistimit me vendim të prokurorit është dërguar në mbajtje.”, thuhet në njoftim.