Arrestohet në Lipjan një 30-vjeçar i dënuar për mashtrim

Një 30-vjeçar është arrestuar në Gllogoc të Lipjanit nën dyshimin për përfshirje në veprën penale” Mashtrimi”. I njëjti, sipas organeve të rendit, ishte i dënuar me 1 vit e 6 muaj burgim për veprën e lartcekur, transmeton Klankosova.tv. “Drejtoria Rajonale e Prishtinës po vazhdon ndërmarrjen e veprimeve policore me qëllim kapjen e personave të dyshuar dhe atyre të dënuar si autor të veprave penale. Në kontekstin e kësaj, sot nga veprimet e marra nga njësitë e stacionit policor të Lipjanit në fshatin Gllogoc, është arritur arrestimi i personit të kërkuar: A.A, mashkull, 30 vjeç, shtetas i Republikës së Kosovës, i dënuar me 1 vit e 6 muaj burgim për veprën penale ‘Mashtrim’”, ka njoftuar Policia. Pas arrestimit nga ana e policisë, i njëjti është dërguar në vuajtje të dënimit. /Klankosova.tv