Arrestohet një i dyshuar për vrasjen e Enver Bajraktarit

Një person është arrestuar në lidhje me vrasjen e cila ndodhi ditë më parë në Baicë të Lipjanit. I dyshuari T.K ra në prangat e policisë pas një angazhimi intensiv hetimor, nga Njësiti i Hetimeve të Përgjithshme - Prishtinë. Kështu deklaroi për Klankosova.tv Flora Ahmeti, zëdhënëse e policisë për rajonin e Prishtinës. "Aktualisht hetuesit po kryejnë procedurat e nevojshme policore, në koordinim me prokurorinë", deklaroi ajo. Kjo ngjarje kishte tronditur Kosovën. Trupi i pajetë i viktimës, Enver Bajraktarit, ishte gjetur i varrosur në një arë të misrit. Deri më tani ende janë të paqarta motivet të kësaj ngjarje makabre./ Klankosova.tv. https://klankosova.tv/detaje-ekskluzive-nga-rasti-i-rende-ne-lipjan-enver-bajraktari-u-gjet-i-varrosur/