Arrestohet një i mitur në Vushtrri, vodhi 45 njehsorë uji

Është arrestuar një i mitur në Vushtrri, i cili një javë më parë ishte raportuar për veprën penale të vjedhjes. Policia ka njoftuar se i dyshuari në bashkëveprim edhe me një person tjetër i cili mbetet në kërkim, dyshohet se ka kryer vjedhje të rëndë në një objekt ndërtimi, ku cak i kanë qenë 45 njehsorë uji. Arrestimi i të dyshuarit është realizuar mbi bazën e dyshimit të arsyeshëm dhe provave të siguruara, transmeton Klankosova.tv “Pas procedurave të intervistimit, ndaj të dyshuarit të moshës së mitur, me aktvendim të Prokurorit kompetent, i është caktuar masa e ndalimit për 24 orë”, ka njoftuar policia./Klankosova.tv