Arrestohet një person i dyshuar për gjuajtje me armë zjarri

Policia e Kosovës ka njoftuar se pas një pune hetimore dhe operacionale ka arritur identifikimin dhe arrestimin e një personi të dyshuar për gjuajtje me armë zjarri në Prishtinë. I dyshuari është A.K 29 vjeçar, të cilit i është sekuestruar edhe arma që dyshohet se e ka përdorur në atë rast. “Sektori i Hetimeve të Kryeqytetit ka realizuar me sukses punën hetimore, duke arrestuar të dyshuarin A.K, 29 vjeç dhe sekuestruar armën që dyshohet se është përdorur në rast. Në koordinim me Prokurorin e Shtetit është iniciuar rast për veprën penale “Përdorim i armës apo mjetit të rrezikshëm” dhe i njëjti është dërguar në mbajtje për 48 orë”, njofton Policia. /Klankosova.tv