Arrestohet një person në Deçan, dyshohet se para disa javësh dhunoi një femër

Policia e Kosovës ka njoftuar se të mërkurën e ka arrrestuar një person në Deçan, nën dyshimin se ai ka kryer veprën penale të dhunimit. Prangosja e tij ka ndodhur pasi javë më parë, një femër e ka raportuar rastin në organet e rendit. “Është arrestuar i dyshuari mashkull kosovar nën dyshimin se i njëjti para disa javësh, ka kryer veprën e cekur ndaj viktimës femër kosovare. I dyshuari është intervistuar lidhur me rastin, ndërsa viktima me urdhër të prokurorit është dërguar në IML për ekzaminime mjekësore gjinekologjike.”, thuhet në raportin policor. Ndërkaq, sipas policisë, me vendim të prokurorit, i dyshuari është dërguar në mbajtje. /KlanKosova