Arrestohet një person në Rahovec për dhunë ndaj bashkëshortes dhe armëmbajtje pa leje

Një person është arrestuar në Rahovec nën dyshimin për ushtrim dhune fizike dhe psikike ndaj bashkëshortes së tij.

Ngjarja ka ndodhur më 23 korrik rreth orës 16:00, ndërsa i dyshuari është arrestuar më 25 korrik. Viktima ka pranuar trajtim mjekësor dhe më pas është strehuar te prindërit e saj.

Gjatë kontrollit në shtëpinë e të dyshuarit, policia ka gjetur dhe konfiskuar një pushkë gjuetie të kalibrit 12 mm dhe 14 fishekë.

Me vendim të prokurorit, pas intervistimit, i dyshuari është dërguar në mbajtje.

“Rahovec  23.07.2025 – 16:00. Është arrestuar me 25.07.2025  i dyshuari mashkull kosovar, nën dyshimin se i njëjti në datën e cekur ka ushtruar dhunë psikike dhe fizike ndaj viktimës - bashkëshortes së tij. Viktima pas tretmanit mjekësor është kthyer tek prindërit e saj, ndërsa njësitet policore nga i dyshuari në shtëpinë e tij kanë konfiskuar një pushkë gjuetie cal-12mm, dhe 14-fishekë. Me vendim të prokurorit, i dyshuari pas intervistimit është dërguar në mbajtje”, njofton PK. /Klankosova.tv