Arsenijeviq sqaron pse u tërhoq nga gara elektorale në Mitrovicë të Veriut (VIDEO)

Ishte kandidati i vetëm serb për kryetar të Mitrovicës së Veriut. Por edhe Aleksandër Arsenijeviq nga iniciativa "Mbijetesa Serbe" u tërhoq nga gara zgjedhore e 18 dhjetorit, meqë sipas tij nuk u përmbush kërkesa për jetësimin e bashkësisë së komunave serbe. "Kur e kam shpallur kandidaturën, kam bërë me dije se kjo është një masë e përkohshme dhe një kandidaturë e kushtëzuar, që i bie se do të tërhiqem nëse deri te një datë e caktuar, nuk fillojnë negociatat për themelimin e asociacionit”, është shprehur ai, njofton Klan Kosova. Kritikuesi i partisë më të madhe atje, Listës Serbe, thotë se tërheqja e tij nuk lidhet me asnjë kërcënim nga ata që i kanë lëshuar institucionet. Sipas tij, komuniteti shumicë këtu nuk do të dalë në votime, e as nuk do të lejohet procesi nëpër shkollat e udhëhequra nga sistemi paralel. Në kësi rrethana, Arsenijeviq vlerëson se asnjëri nga kandidatët shqiptarë të vetëm në garë, nuk do të ketë për të udhëhequr këtu. https://www.youtube.com/watch?v=LGHz4u6Opv8