Asist 441: Hallakama me trajnerë në basketbollin kosovar dhe NBA All Star Game 2021

Sonte nga ora 21:00 në Art Sport 1 dhe 00:10 në Klan Kosova, ASISTI 441 me Agon Fehmiun sjell tema dhe mysafirë specialë. Kapitenët e derbit Trepça – Bashkimi, Valdrin Haxhiu dhe Qëndrim Biraj nga parketi në studio flasin mbi duelin e të dielës por edhe për rrjedhën aktuale të Superligës. Atyre i bashkohen edhe Merakli t’Basketit, Petrit Zeqiri dhe Muhamed Kërqeli për ta analizuar situatën aktuale në Superligë ku dihet vetëm një gjë se “nuk dihet asgjë”. Temë e nexhtë do të jetë edhe “hallakama” e shkaktuar me ndërrimin e pakontrolluar të trajnerëve nëpër klubet kosovare. Cilat skuadra mbajnë rekord për ndërrimin e trajnerëve sivjet? Cila është skuadra e vetme stabile me “shef” të njëjt tash e disa vite? Çka mendojnë lojtarët dhe çka Meraklit, këtë do ta mësojmë në ASISTIN 441. Natyrisht, tema e natës vjen nga ana tjetër e Oqeanit Atlantik: NBA All Star Game 2021. Gjithë ajo që ndodhi mbrëmë në Atlanta: Sfida e shkathtësive; Gara për tri pikë; Gara për ngulitjen më atraktive  dhe ndeshja e gjitha yjeve të NBA e cila u transmetua direkt në Artmotion dhe Klan Kosova. Sonte edhe një episod super i pasur i ASISTIT me komplet përmbledhjen dhe analizën e xhiros 22 të Superligës së meshkujve,  raportet nga derbit e Superligës së Femrave dhe Ligës së Parë, Shqiptarët në Botë, ABA dhe Euroleague si dhe ajka e ajkave, NBA në ASIST me asistuesin tuaj Agon Fehmiun