Asnjë vdekje nga COVID-19 në Prishtinë, Ahmeti: Pasojat e masave të gabuara janë të mëdha

Kreu i Prishtinës, Shpend Ahmeti, ka reaguar pas publikimit të të dhënave ditore të COVID-19 nga Instituti Kombëtar i Shëndetësisë Publike. Ahmeti vazhdon të mos pajtohet me masat e marra nga Qeveria për mos përhapje të koronavirusit, teksa edhe bënë krahasim me komunën e Prizrenit, njofton Klan Kosova Mes tjerash Ahmeti bën të ditur se kryeqyteti sot pati 237 raste dhe asnjë vdekje, teksa në Prizren u regjistruan tri vdekje nga COVID-19. "A thua Covidi i Prizrenit më i rrezikshëm? Natyrisht se Jo. Ka të bëjë me numrin e testeve. Prandaj masat janë të bazuara në numra që s'kanë kuptim" është shprehur Ahmeti. Postimi i plotë i Ahmetit: Sot Prishtina 237 raste e zero vdekje nga covidi! Prizreni 29 raste e 3 vdekje’ A thua Covidi i Prizrenit më i rrezikshëm? Natyrisht se Jo. Ka të bëjë me numrin e testeve. Prandaj masat janë të bazuara në numra që skanë kuptim. Në pesë ditët e fundit numrat e të infektuarve kanë qenë 25 nëntor - 704 26 nëntor - 775 27 nëntor - 764 28 nëntor - 639 29 nëntor - 626 Në fillim krijohet bindja se është në rënie. Por në qoftë se e shikojmë si përqindje e testit storia është tjetër. 25 nëntor - 704/1651 42.6 % 26 nëntor - 775/1903 40.7 % 27 nëntor - 764/1827 41.8 % 28 nëntor - 639/1565 40.8 % 29 nëntor - 626/1505 41.5 % Pra 40 përqind positivity është tepër tepër shifër e lartë. Dhe nuk po bjen. Pasojat e masave të gabuara janë të mëdha. Jo për qytetet në zonën e kuqe por për ato në zonën e verdhë dhe të gjelbërt. Thuhet se nuk kanë raste për shkak se numrin e testeve e kanë të vogël. Ndërsa ata sillen pa restriksione dhe qytetarët mendojne se janë të sigurtë.