Atletet “Nike” nuk e kalojnë kufirin e Vërmicës, përfundojnë në Doganë

Në pikën kufitare në Vërmicë, Dogana e Kosovës ka zbuluar sasi të konsiderueshme të mallrave të padeklaruar. Sipas njoftimit të Doganës, njësitet kompetente kanë parandaluar tentativën për të futur në territorin e Kosovës mbathje sportive të padeklaruara, transmeton Klankosova.tv. “Gjatë kontrollit të një automjeti të udhëtarëve, janë gjetur 18 thasë me 144 palë mbathje sportive të markës ‘Nike’, të cilat ishin fshehur në bagazhin e automjetit dhe nuk ishin deklaruar në momentin e hyrjes në territor. Pala në fjalë nuk posedonte faturë për mallin, dhe sipas procedurave ligjore, malli është ndaluar përkohësisht në pikën kufitare deri në përfundimin e procedurave”, thuhet tutje në njoftim.