Australia do të ofrojë tre orë falas "diell" në ditë për miliona njerëz

Australia do të ofrojë të paktën tre orë energji diellore falas çdo ditë për familjet, përfshirë ato pa panele diellore, në kuadër të një programi për kursimin e energjisë që pritet të hyjë në fuqi në vitin 2026, tha të martën ministri i energjisë Chris Bowen. Programi Solar Sharer do të fillojë në shtetet e Uellsit të Ri Jugor dhe Australisë Jugore, si dhe në juglindje të Queensland, përpara se të zgjerohet diku tjetër. "Njerëzit që janë në gjendje ta zhvendosin përdorimin e energjisë elektrike në periudhën e energjisë me kosto zero do të përfitojnë drejtpërdrejt, pavarësisht nëse kanë apo jo panele diellore dhe pavarësisht nëse i zotërojnë apo i marrin me qira, dhe sa më shumë njerëz ta pranojnë ofertën dhe ta zhvendosin përdorimin e tyre, aq më të mëdha do të jenë përfitimet e sistemit, aq më të ulëta do të jenë kostot për të gjithë përdoruesit e energjisë elektrike", tha Bowen.