Austria pezullon fluturimet me Kosovën deri më 31 korrik

Bashkatdhetarët që jetojnë në Austri nuk mund të udhëtojnë për në Kosovë, kjo pasi Ambasada e Kosovës në Vjenë njoftoi se Ministria e Shëndetësisë në Austri ka marr vendim që t’i pezulloj fluturimet në drejtim të Kosovës deri më 31 korrik. “Ambasada e Republikës së Kosovës në Vjenë, njofton se Ministria e Shëndetësisë së Republikës së Austrisë me qëllim të frenimit të përhapjes së krizës shëndetësore të shkaktuara nga Coronavirusi (COVID-19), nga 16 korrik 2020 do të pezulloj të gjitha fluturimet në shtetet e Ballkanit Perëndimor, përfshirë këtu edhe fluturimet drejt dhe nga Prishtina. Kjo rregullore vlen deri më 31 korrik 2020”, thuhet në njoftim. Po ashtu, kompania ajrore gjermane Lufthansa ka njoftuar se nuk do të ketë fluturime për në vendet e Ballkanit Perëndimor deri në fillim të sezonit dimëror 2020/2021. Përkundër kësaj, Lufthansa tha se do të ofrojë shërbime alternative për këto vende përmes partnerëve të saj.