Autobusi përplaset me një stacion në Stokholm, disa të vdekur

Disa persona kanë vdekur dhe disa të tjerë janë lënduar kur një autobus goditi një stacion të autobusëve në qendër të Stokholmit të premten, tha policia suedeze, duke shtuar se nuk kishte informacione që tregonin se ishte një sulm. Në incident pati gjashtë viktima, tha një zëdhënës i shërbimeve të shpëtimit të Stokholmit, pa dhënë numrin e të vdekurve ose të lënduarve. Zëdhënësi tha se nuk kishte pasagjerë në autobus në atë kohë. "Po hetohet si vrasje e pavullnetshme. Shoferi i autobusit është arrestuar, por kjo është rutinë në një incident të tillë", tha një zëdhënës i policisë, duke shtuar se nuk kishin informacione që tregonin se ishte një sulm. Policia tha se nuk do të komentonte për numrin, gjininë ose moshat e të vdekurve ose të plagosurve. Policia, shërbimet e shpëtimit dhe ambulancat po punonin në vendngjarje. Sipas policisë, incidenti ndodhi pranë universitetit të Institutit Mbretëror të Teknologjisë, shkruan Reuters, transmeton Klankosova.tv.