Autoritetit të Konkurrencës i duhen 25 inspektorë hetues, sipas Prestreshit (VIDEO)

15 inspektorë hetues aktualisht punojnë në Autoritetin Kosovar të Konkurrencës. Por sipas ish-kryetarit të këtij institucioni, Valon Prestreshi, duhet që numri i tyre të rritet në mënyrë që të mbulohet tregu dhe të mbikëqyret konkurrenca. “Edhe në të kaluarën kemi kërkuar. Por përsëri duhet bërë kërkesë Kuvendit të Kosovës për më shumë inspektorë hetues. 25, do të ishte e mjaftueshme që të mbulohej tregu dhe të vjen në shprehje puna e autoritetit”, është shprehur Prestreshi në Portofol, në Klan Kosova FM. Ai më tej ka thënë se praktika e vendosjes së çmimit tavan të naftës nuk ka treguar se ngjashëm mund të veprohet edhe me produktet bazë ushqimore. “Heqja e akcizës tek nafta do të ndikonte që çmimi të binte për afro 140 produkte ushqimore. Me heqjen e akcizës dhe TVSH-së do të kishim stabilitet të çmimeve”.