Bad Bunny kaloi shpejt nga shitës supermarketi, në bërjen e historisë në "Grammy"

Fansat e reperit Bad Bunny janë shprehur të mahnitur në rrjetet sociale për suksesin e tij që kur filloi si djalë që dilte në supermarket. Reperi 28-vjeçar nga Puerto Riko - emri i vërtetë Benito Antonio Martínez Ocasio - fitoi famë për herë të parë për këngën e tij 'Diles' e cila doli në vitin 2016. Që atëherë ai ka fituar çmime të shumta, ka kryesuar top lista dhe ka bashkëpunuar me muzikantë të tjerë të njohur. Megjithatë, Bad Bunny nisi nga fillimet shumë modeste dhe ngritja e tij drejt suksesit është njohur dhe vlerësuar gjerësisht nga fansat e tij. Në një intervistë me GQ, Bad Bunny foli për rritjen si djali i një mësuesi shkolle dhe shoferi kamioni. Reperi shpjegoi se ai ishte një fëmijë 'i turpshëm', pavarësisht se shpesh 'ishte një klloun' dhe nuk e pëlqente shkollën. Pavarësisht se shkoi në Universitetin e Puerto Rikos në Arecibo, Bad Bunny shpejt e kuptoi se 'dëshironte të bëhej artist' dhe përveç që dështoi në shumicën e provimeve të tij, vendosi ta braktiste atë. Megjithatë, rruga drejt suksesit nuk shkoi kurrë e qetë, me reperin që u detyrua të punonte në supermarketin e tij lokal pak para se të linte universitetin. Ishte vetëm nëpërmjet mikut të tij që e bindi atë të ngarkonte muzikën e tij në SoundCloud, gjë që bëri që ai të bëhej i njohur. Nga një braktisës universiteti dhe shitës ushqimor, Bad Bunny u zgjodh shpejt nga Rimas Entertainment dhe ka fituar një mori çmimesh. Sivjet, reperi fitoi dy çmime Grammy, ndërsa ka edhe tetë çmime "Billboard Music", dhe konsiderohet që suksesin ai e arriti me një ritëm të shpejtë. /Klankosova.tv