Ballkani feston, por nuk pushon (VIDEO)

Posa përfundoi ballafaqimin me Sivassporin, e ku doli fitues të enjten mbrëma, Ballkani u kthye nga Turqia në Kosovë. Menjëherë nisi stërvitjet për ndeshjen e radhës derisa optimizmi për rezultate historike sikurse deri tani nuk mungon. Njëri nga protagonistët kryesorë në golin e fitores, Albin Berisha, u shpreh i lumtur që nga stoli hyri në fushë dhe ndërtoi aksionin që i dha tri pikë ekipit të tij. Sukseset e skuadrës së tij për mesfushorin Qëndrim Zyba janë edhe rezultat i funksionimit të grupit dhe realizimit me përpikëri të detyrave që i jep trajneri. Për suksesin e madh që arriti të enjten, Ballkani mori shumë urime. Në përgëzime nuk mungoi as kryeministri Albin Kurti që triumfin e quajti meritor. https://www.youtube.com/watch?v=FB2QD-fqZxg