Në Kosovë erdhi si triumfuese pas fitores në gjyqin me qeverinë britanike.
Si atje, edhe në Prishtinë, ish-prokurorja e EULEX, Maria Bamieh, do të shpalosë akuzat e saj për korrupsion në misionin ku shërbeu.
Ato u bënë sebep edhe për një ftesë që e priste pas adresimit, e që do ta befasonte atë.
Ajo u ftua nga prokuroria me dyshimet për keqpërdorim të detyrës zyrtare dhe rrjedhjes së informacioneve sekrete, njofton Klan Kosova.
Në konferencën për media, ajo foli për rastin e shpërthimit në lokalin Sekiraqa, ku deklaroi se ishin dy dëshmitarë, që thoshin se paguan për lirimin e dy personave.
Sipas Bamieh, rasti i ish-sekretarit të Ministrisë së Shëndetësisë, Ilir Tolaj, po tentohej të mbyllej.
Këtë, thotë se e zbuloi nga përgjimet në telefonin, që, sipas saj, i akuzuari e kishte në qeli. Megjithatë, raporti për këtë punë, pretendon se nuk u mor kurrë parasysh.
https://www.youtube.com/watch?v=6UnKjO74Cfo
●●●
ASHKRIMI NGA
A.B
Editorial nga Klan Kosova — ndjek video lajme dhe zhvillimet e tjera kryesore të vendit.
