Banorët e Selacit duan asfalt, shtrohet vitin tjetër (VIDEO)

Rruga që i qon në fshatin e tyre, në Selac nuk iu bë me asfalt kurrë. E atë e kanë zgjidhje të vetme për të dalë në Bare por edhe në Mitrovicë. Që nga paslufta u kërkua asfaltimi i 8 kilometrave rrugë, por pa zgjidhje. Si rrjedhojë ka pasur shpërngulje e aktualisht kanë mbetur edhe 8 familje, pasi fshati kishte rreth 800 banorë para vitit 2000. Selacasit u mblodhën të premten para Komunës për të protestuar e kërkuar përgjigje pse punët s’filluan, pasi 2 ditë më parë, në një takim me përgjegjësit këtu dhe zëvendësministrin e Infrastrukturës, Hysen  Durmishi u ishte thënë se ka lëvizje në rregullimin e rrugës. “Në atë takim zëvendësministri ka thënë, nënkryetar ne e kemi nënshkru këtë marrëveshje, ti ke mujt me 6 korrik me inicu procedurën për shtrimin e rrugës Bare-Selac” tha Xhevdet Zeneli, përfaqësuesi i fshatit. E arsyen pse nuk nisën punimet e tregoi nënkryetari i Mitrovicës Arian Tahiri, pasi u takua edhe të premten me përfaqësuesit e fshatit. “Jena dakordu që kompaninë me zgjedhë Ministria përshkak se punimet kryhen më shpejtë, se është organizatë më e madhe buxhetore” tha Tahiri. Megjithatë ky thotë se sivjet nuk nisin punimet, sepse përzgjedhja e operatorit ekonomik merr kohë. https://www.youtube.com/watch?v=dQ48U7Hlq2M