Basisti i Guns N Roses insiston që The Simpsons ia lanë birrës emrin sipas tij

Basisti i Guns N’ Roses, Duff McKagan, ka insistuar që The Simpsons e kanë emërtuar birrën Duff Beer sipas tij. Ylli i rokut kishte pohuar në autobiografinë e tij më 2011, “It’s So Easy and Other Lies”, që kompania prodhuese e kishte kontaktuar më 1988 për ta pyetur nëse mund ta përdornin emrin Duff për një bend birre në serinë e tyre, duke u bazuar në reputacionin e Duffit si një “konsumues i madh i alkoolit”. Ndërkaq, McKagan, duke menduar që seria do të ishte një projekt i buxhetit të ulët, kishte pranuar pa problem. Ai sërish në një intervistë ka folur për këtë gjë, dhe vijon t’i qëndrojë prpaa këtij pohimi, ndonëse shumë shkrimtarë të serisë e kanë quajtur të pavërtetë këtë pohim. “Kështu qëndron puna. Unë isha Duffi, Mbreti i Birrave. Por është viti 1988 ose 1989, dhe më kujtohet që menaxhmenti im më telefonoi dhe më tha që disa animatorë arthouse duan ta përdorin emrin tënd si birrë, për një animacion arthouse kolegjesh”, ka thënë Duff për Stereogum. “Nuk kishte animacione për të rritur atëkohë. Nuk dija gjë për brendimet, por seria mori dhe. Dhe pastaj ata filluan të shesin gjësende bazuar në të. Unë kurrë s’u jam vënë pas, por hey...po e dini si është puna?” “Prandaj mendoj që është veprim i mençur në aspekt biznesi nga ana e tyre që të thonë që kjo nuk është e vërtetë”.