Në emisionin “SOL” që transmetohet çdo të diel në Klan Kosova, ish-banori i Big Brother VIP Kosova 3, Vullnet Krasniqi, hodhi një “karrem” që po bën xhiron e rrjeteve.
I njohur për deklaratat e tij precize e shumë “me spec”, Krasniqi kësaj here nxori një detaj ekskluziv që rrallëkush do ta kishte menduar.
“Sivjet veç një detaj muj me jau dhënë: me një dhomë të veçantë ka me fjet dikush, veçantë”, tha ai, duke nënkuptuar një hapësirë speciale brenda shtëpisë dhe një banor që do të trajtohet ndryshe nga të tjerët.
Edhe pse sezoni i katërt i BBVK është paralajmëruar “së shpejti”, data zyrtare e nisjes nuk është komunikuar në njoftimet publike të deritashme. Moderatori Alaudin Hamiti dhe producentja Olsa Muhameti kanë premtuar surpriza dhe një edicion “të veçantë”, duke e lënë publikun në pritje të detajeve.
Kush mund të jetë banori i “dhomës së veçantë”?
Skenarët e mundshëm variojnë nga një hyrje-befasi e nivelit VIP, te një figurë që vjen me role e misione të posaçme, e deri tek një rikthim simbolik. Megjithatë, pa konfirmim nga produksioni, gjithçka mbetet në kuadrin e spekulimit.
Krasniqi, i cili u bë figurë shumë e komentuar gjatë BBVK3, e njeh mirë ritmin e formatit duke i dhënë peshë deklaratë së bujshme të tij.
Publiku, ndërkohë, pret nëse ky “detaj” do të kthehet në twist-in kryesor të hapjes së sezonit.
“Dhoma e veçantë” që u përmend në “SOL” është tashmë fjala kyçe e BBVK4, si detaji më i rëndësishëm që është zbuluar, nga misteri i madh që i pret shikuesit. Mbetet për t’u parë kush do ta zë atë shtrat special dhe pse. Deri atëherë, qëndroni në pritje të njoftimeve zyrtare nga Klan Kosova.
https://www.youtube.com/watch?v=Uo78eeShD-A
●●●
VZSHKRIMI NGA
Vanesa Zhugolli
Editorial nga Klan Kosova — ndjek prive dhe zhvillimet e tjera kryesore të vendit.
