BE-ja e gatshme të kontribuojë në planin për t'i dhënë fund luftës në Gaza, thotë Von der Leyen

"BE-ja është e gatshme të kontribuojë" në planin e Trump për t'i dhënë fund luftës në Gaza. Kështu tha pesidentja e Komisionit Evropian Ursula von der Leyen. Duke ndarë reagimin e saj ndaj planit 20-pikësh të shpallur nga presidenti amerikan mbrëmë në X, "inkurajojmë të gjitha palët që tani ta shfrytëzojnë këtë mundësi", thotë ajo, transmeton Klankosova.tv. Ndërkaq, duke bërë thirrje për "ndihmë të menjëhershme humanitare" për ata në Gaza dhe lirimin e menjëhershëm të të gjithë pengjeve, ajo gjithashtu përsërit kërkesën e BE-së për një zgjidhje me dy shtete si "e vetmja rrugë e qëndrueshme për një paqe të drejtë dhe të qëndrueshme në Lindjen e Mesme".