Kryetarja e Komisionit Evropian, Ursula von der Leyen, pati fjalë të mira për punën që kanë bërë Shqipëria dhe Maqedonia e Veriut, që sot hapën negociatat për anëtarësim në BE.
"Çfarë momenti historik. Sot Shqipëria dhe Maqedonia e Veriut po hapin negociatat për të hyrë në Bashkimin Evropian. Ky është suksesi juaj dhe i popujve tuaj që keni punuar aq shumë për të ardhur deri te ky moment. Ju keni mbajtur besimin në procesin e zgjerimit, ju keni forcuar sundimin e ligjit, ju keni luftuar kundër korrupsionit dhe ju keni media të lirë dhe shoqëri civile aktive. Ju keni bërë reforma të panumërta dhe keni modernizuar ekonomitë tuaja".
Ndërkaq shefi i diplomacisë evropiane, Josep Borrell, vlerësoi se BE-ja e ka bërë një hap të madh drejt kompletimit.
"Ballkani Perëndimor është i interesit qenësor strategjik për Bashkimin Evropian dhe nisja e bisedimeve për hyrje në BE me dy vendet është tregues i madh".
Nisja formale e negociatave, për të dyja shtetet, u bë nga kryediplomati çek, Jan Lipavsky.
BE-ja u kujdes që këtë ditë historike ta shënojë edhe duke vendosur flamujt e Shqipërisë dhe Maqedonisë së Veriut para selisë së Komisionit Evropian.
https://www.youtube.com/watch?v=3XEagPh_DS4&t=6s
●●●
LHSHKRIMI NGA
L H
Editorial nga Klan Kosova — ndjek video lajme dhe zhvillimet e tjera kryesore të vendit.
