BE-ja kërkon nga SHBA-ja rishqyrtimin e vendimit për ndërprerjen e lidhjeve me OBSH-në

Bashkimi Europian u kërkoi Shteteve të Bashkuara të shtunën të rishqyrtojnë vendimin për të ndërprerë lidhjet me Organizatën Botërore të Shëndetit në lidhje me trajtimin e pandemisë së koronavirusit. "Përballë këtij kërcënimi global, tani është koha për bashkëpunim të zgjeruar dhe zgjidhje të përbashkëta. Veprimet që dobësojnë rezultatet ndërkombëtare duhet të shmangen", thanë në një deklaratë Presidenti i Komisionit Evropian Ursula von der Leyen dhe Josep Borrell, diplomati më i lartë i BE-së, njofton Klan Kosova. "Në këtë kontekst, ne i bëjmë thirrje SHBA-së të rishqyrtojë vendimin e saj të shpallur", thanë ata një ditë pasi presidenti Donald Trump njoftoi vendimin, duke akuzuar agjencinë e SHBA-së se po bëhej një kukull e Kinës. Ministri i Jashtëm gjerman Heiko Maas gjithashtu dënoi këtë veprim dhe premtoi bisedime intensive me Washingtonin për këtë çështje, shkruan Reuters.