Bebe Rexha del në përkrahje të grave iraniane, pasi 22-vjeçarja u rrah për vdekje për shkak të shamisë

Këngëtarja shqiptare me famë botërore, Bebe Rexha, ka shprehur përkrahje për gratë iraniane, pasi lajmi për rrahjen deri në vdekje të një gruaje iraniane, pasi që nuk vuri shaminë ashtu siç e kërkon ligji, tronditi botën demokratike. “Unë qëndroj me femrat persiane në luftën e tyre për liri”, ka shkruar Bebe Rexha në Twitter, duke bashkangjitur një fotografi të viktimës 22-vjeçare, Mahsa Amini, transmeton Klankosova.tv. Për aktin brutal të policisë iraniane kanë reaguar edhe shumë figura botërore, ndërkohë që protesta ka pasur sot edhe në vetë shtetin e udhëhequr nga presidenti i vijës së ashpër të Iranit, Ebrahim Raisi, i cili urdhëroi respektimin minimal të mundshëm e të drejtave të grave dhe bëri thirrje për zbatim më të rreptë të kodit të veshjes së detyrueshme të vendit. Amini vdiq në një spital iranian, disa ditë pasi u ndalua nga policia e regjimit, për dyshimin se nuk respektoi rregullat e vendit për shaminë. Ajo po udhëtonte me familjen e saj nga provinca perëndimore e Iranit, Kurdistan, për në kryeqytetin Teheran, për të vizituar të afërmit e saj, kur u raportua se ajo u arrestua për dështimin në përmbushjen e rregullave strikte të vendit për veshjen e grave. Dëshmitarët raportuan se Mahsa ishte rrahur në furgonin e policisë. https://klankosova.tv/iran-22-vjecarja-rrahet-per-vdekje-nga-policia-pasi-nuk-e-vuri-shamine-sic-e-kerkon-ligji/?fbclid=IwAR1ewtojiYKIwI1pI4YrQpQlKSasDt1TGU9Ow7NTy8LU6gwkZVpUNOo3V44