Begaj takohet me Zëvendëssekretarin amerikan të Shtetit: SHBA, partner strategjik dhe vend historik miqësor

Presidenti i Shqipërisë, Bajram Begaj ka zhvilluar takim me Zëvendëssekretarin amerikan të Shtetit, Christopher Landau. Përmes një postimi në Facebook, Begaj thotë se Zvënedëssekretarin amerikan të Shtetit e falënderoi për mbështetjen e SHBA-së në kryerjen e reformës në drejtësi, zhvillimin e demokracisë dhe forcimin e institucioneve, si edhe në fushën e mbrojtjes e të sigurisë, transmeton Klankosova.tv. “Takim i frytshëm me Zëvendëssekretarin e Shtetit të Shteteve të Bashkuara të Amerikës, Christopher Landau. Vlerësova SHBA-në si një vend historik miqësor, partner strategjik, aleat të fuqishëm në NATO, një aktor të pazëvendësueshëm për zhvillimet në rajonin tonë”. “Falënderova për mbështetjen e SHBA-së në kryerjen e reformës në drejtësi, zhvillimin e demokracisë dhe forcimin e institucioneve, si edhe në fushën e mbrojtjes e të sigurisë. Besimplotë se në Shqipëri do të vijnë më shumë investime amerikane në fushën e turizmit, energjisë, mbrojtjes dhe sigurisë kibernetike”, ka shkruar ndër të tjera presidenti Begaj.