Bëhet meme reagimi i Nicole Kidman ndaj shuplakës në Oskar

Mbarë bota u shokua mbrëmë pas shuplakës që aktori Will Smith ia dha komikut Chris Rock. Smith e goditi Rockun pasi u zemërua nga një shaka e këtij të fundit në lidhje me bashkëshorten e tij, Jada Pinkett-Smith. Rock u mahit me kokën tullace të Pinkett-Smithit, e cila vuan nga alopecia, që shkakton rënien e flokëve. Reagimet në sallë ishin të përziera - ca menduan në fillim që ishte shaka, por ca u habitën që në fillim. Reagimi më i spikatur i të pranishmëve doli të jetë ai i Nicole Kidman, që u bë menjëherë meme dhe pushtoi internetin.