Belgjika thotë se shtetet e BE-së duhet të ndajnë rrezikun për të përdorur asetet e ngrira ruse për Ukrainën

Kryeministri belg Bart De Wever u ka kërkuar udhëheqësve të tjerë të BE-së të garantojnë se do të ndajnë rreziqet nëse asetet e ngrira ruse të mbajtura në vendin e tij përdoren për të financuar kredi për Ukrainën.Në një samit në Kopenhagen të mërkurën, shumë udhëheqës të Bashkimit Evropian shprehën mbështetje për idenë e përdorimit të aseteve ruse të ngrira në Perëndim për të siguruar një kredi prej 140 miliardë eurosh (165 miliardë dollarë) për Ukrainën, por thanë se aspektet ligjore dhe financiare mbeten për t'u zgjidhur. Ligji ndërkombëtar ndalon konfiskimin e aseteve sovrane, kështu që BE-ja do të duhet të gjejë një mënyrë për të vazhduar të njohë pretendimin e Moskës mbi asetet e bankës së saj qendrore dhe për të mbrojtur Belgjikën, ku ndodhen shumica e aseteve, nga hakmarrja ruse. "Nuk ka para falas. Gjithmonë ka pasoja", u tha De Wever gazetarëve në Kopenhagen të enjten. "Ua shpjegova kolegëve të mi dje se dua firmën e tyre që thotë: 'Nëse marrim paratë e (Presidentit rus Vladimir) Putin, i përdorim ato, të gjithë do të jemi përgjegjës nëse shkon keq'”, shkruan Reuters, transmeton Klankosova.tv.