Bëri rrugë sa gjatësia e Irlandës me njëçikletë në 5 ditë, 5 orë e 23 minuta

Një irlandez fitoi titullin e tij të dytë të rekordeve botërore Guinness duke lëvizur me njëçikletën e tij në gjatësinë e Irlandës - 500 kilometra - në 5 ditë, 5 orë dhe 23 minuta. Eamonn Keaveney i tha librit të rekordeve Guinness se titulli për kalimin më të shpejtë të Irlandës me njëçikletë i bëri thirrje atij sepse "dukej si një përzierje e përsosur e frikshme dhe qesharake". Keaveney, i cili më parë fitoi rekordin për udhëtimin më të gjatë zbathur në botë në vitin 2016 dhe e ndoqi atë duke u ngjitur në 10 male zbathur në 10 ditë, tha se ai kurrë nuk kishte ngarë një çikletë me një rrotë derisa filloi të stërvitej për titullin. Ai theksoi se udhëtoi rreth 12 orë çdo ditë të përpjekjes së tij. "Ndonjëherë ishte e vështirë në fund të ditës të detyrohesha të ngjitesha në njëçikletë për ato kilometrat e fundit", tha ai. Keaveney tutje shtoi se një kyç i fryrë në fund të udhëtimit të tij bëri që çdo kthesë e pedaleve të ndihej "si torturë". "Për sa kohë që ju jeni duke lëvizur, jeni duke pedaluar. Prandaj kyçi im është ënjtur nga përdorimi i tepërt", sqaroi ai.