Berisha: Asnjëherë s’e kam menduar dorëheqjen – zgjedhjet ishin farsë

Kreu i Partisë Demokratike në Shqipëri, Sali Berisha deklaroi se nuk e ka menduar asnjëherë dorëheqjen. Ai tha se zgjedhjet e 11 majit ishin farsë elektorale, teksa shtoi se Rama nuk lejon zgjedhje. “Unë jam me një mision, kështu e ndjej, ky mision do të përmbushet, i vështirë, por do të përmbushet. Se çfarë do të bëhet në PD-në, ajo është e hapur, ka votë, çdo njeri ka hapësirën për të thënë mendimin e tij. Por Berisha është në një mision për të mbrojtur një të drejtë themelore”. “Në asnjë moment se kam menduar të dorëhiqem, kur janë farsë dhe jo zgjedhje. Nëse do të kishte përgjegjësi të plotë, ky (Rama) nuk lejon zgjedhje, ky përdor të gjithë shtetin, ka kthyer shtetin ‘monstër’ kundër votës së qytetarëve”, u shpreh Berisha në News24.