Berisha: Dokumentet e farsës elektorale do i çojmë në kancelaritë evropiane, Senatin dhe Kongresin amerikan

Kryetari i PD-së, Sali Berisha, ka thënë se si subjekt politik kanë fakte dhe dokumente më shumë se ndonjëherë tjetër për zgjedhjet nacionale të Shqipërisë. "Më shumë se kurrë kemi fakte dhe dokumente, më shumë se kurrë. Por fakti është se vëzhguesit ndërkombëtar të OSBE-ODIHR për çka unë përgëzoj misionin e ambasadorit Zannieri, i cili në kushte jo të lehta, arriti në një vlerësim paraprak, në tërësi do të thosha, real". "Por natyrisht me ODIHR dhe OSBE, sikundër me të gjitha kancelaritë europiane, me senatin, kongresin dhe administratën e SHBA, ne në mbrojtje të votës së qytetarëve shqiptarë, do të kemi paraqitje dhe shkëmbime intensive mendimesh, dokumentesh dhe faktesh të pakundërshtueshme. Narkoregjimi i Tiranës nuk mundet kurrë të përfitojë për kohë të gjatë nga kjo masakër zgjedhore që kreu", ka thënë Berisha. /Klankosova.tv