Berisha: Po përgatisim luftën për mbrojtjen e të drejtës së votës

Kryetari i Partisë Demokratike të Shqipërisë, Sali Berisha ka thënë se PD dhe opozita po përgatisin   siç tha ai luftën për mbrojtjen e të drejtës së votës së shqiptarëve. Këto komente a ii bëri gjatë një konference për media duke komentuar rezultatet e zgjedhjeve të 11 majit, transmeton Klankosova.tv. “Çdo orë që kalon, nxjerr fakte, dokumente shkatërrimtare për farsën elektorale të 11 majit të organizuar nga Toto Rina i Tiranës, Edi Rama. Por unë jam këtu para së gjithash, për të shprehur vlerësimin tim, për të gjithë ata komisionerë dhe numërues, vëzhgues të opozitës që në kushtet e një presioni të gjithëanshëm, në kufijtë e një terrorizmi shtetëror, por kryejnë detyrën e tyre dhe i ftoj ata ta kryejnë gjer në fund”. “ Kjo është rruga më e mire për të mbrojtur votën e shqiptarëve, në kuptimin që ne jemi të detyruar, ligjërisht dhe me kushtetutë, të mbrojmë çdo votë të hedhur nga qytetarët shqiptarë. Por kjo është rruga gjithashtu për të faktuar para shqiptarëve dhe botës, farsën e paprecedentë që po kundërmon në të 4-anët, farsën elektorale që organizoi narkoregjimi i Tiranës me datën 11 maj të vitit 2025”, ka thënë Berisha.