Besa Famgas për të vazhduar dominimin, Vushtrria për befasinë e madhe

Pasi humbi finalen dramatike të Kupës së Kosovës, Besa Famgas është e përkushtuar që të vazhdojë dominimin e plotë në Superligën e Kosovës në hendboll. Përkushtimin synon ta shfaqë që në ndeshjen e parë gjysmëfinale të play-offit. Të enjten prej orës 17:00, Besa Famgas e pret Vushtrrinë në gjysmëfinalen e parë. Ndeshja luhet në palestrën “Karagaçi” në Pejë. Besa nuk kishte humbje në pjesën e rregullt të kampionatit, ndërsa ishte bindshëm para skuadrave të tjera. Ndërkohë Vushtrria përfundoi e katërta në tabelë. Për Vushtrrinë është sukses i madh hyrja në play-off, por kjo skuadër do të bëjë maksimumin për befasi të madhe. Besa ka shumë vjet që fiton titullin e kampionit të Kosovës në hendboll. /Klankosova.tv