Bie borë në Slloveni

Bora e parë këtë herë ra në stacionin më të lartë meteorologjik në Kredarica në Slloveni, ku ra gjithsej një centimetër dëborë në 12 orët e fundit, sipas Agjencisë së Mjedisit të Republikës së Sllovenisë (Arso) në faqen e saj të internetit, shkruan N1, transmeton Klankosova.tv.

Siç shpjeguan meteorologët, për shkak të kalimit të frontit të ftohtë, është e mundur që të bjerë edhe më shumë dëborë në majat më të larta të Sllovenisë në ditët në vijim, por kjo nuk do të zgjasë për momentin. Ata shtojnë gjithashtu se dëbora në malet e larta në verë dhe në fillim të vjeshtës nuk është asgjë e pazakontë. Për shembull, Kredarica dhe Kanin u bënë të bardha në fillim të korrikut të këtij viti.