Në orën 10:00 kishte shkuar vetëm njëri nga mysafirët që i ka ftuar Ministri i Financave.
Në zyrë tek Besnik Bislimi ishte Guvernatori i Bankës Qendrore të Kosovës, Fehmi Mehmeti, por jo edhe 6 ish-ministrat paraardhës të tij, të cilëve u kishte kërkuar ndihmë për ta hartuar planin për rimëkëmbjen e ekonomisë nga dëmet e koronavirusit, njofton Klan Kosova.
Se nuk do t’i shkojnë në takim, shefit në detyrë të Financave, i kanë treguar vetëm ish-ministrat Ahmet Shala e Bedri Hamza.
Bislimi përmes telefonit tregoi se nuk ka pasur fare komunikim me ish-ministrin, Haki Shatri nga Aleanca për Ardhmërinë e Kosovës, as me Avdullah Hotin, e Ali Sadrinë, nga Lidhja Demokratike e Kosovës. Por as me Besim Beqajn e PDK-së.
Kronikë nga Haris Ademi.
https://www.youtube.com/watch?v=MbpRIFdgOBs&feature=youtu.be
●●●
LSHKRIMI NGA
LiZe
Editorial nga Klan Kosova — ndjek lajme dhe zhvillimet e tjera kryesore të vendit.
