Blero jep lajmin e rëndë për Blertën: S’mund të ushqehet, ka humbur 7 kilogamë për pak kohë

Blero Destani, bashkëshorti i Blerta Destanit ka dhënë lajme jo të mira për gjendjen e gruas së tij, pas operacionit të fundit. Ai tha se para pak ditësh janë kthyer nga Barcelona, ku sipas tij, kanë shkuar me shpresa të mëdha, por gjendja është përkeqësuar. “Si pasojë, javët e fundit kanë qenë shumë të rënda. Të gjitha këto ndodhin pasi u kthyem sërish në apartament. Filloi me kriza që nuk i kalon dot thjesht. Dhe pas një shtrirjeje të fortë (extension) pasuese pa shtrim në spital, regres, ditë e net pa fund plot frikë, dëshpërim dhe dhimbje”, ka shkruar ai. Blero përmendi edhe një tjetër përkeqësim të Blertës, duke bërë të ditur se ajo e ka pothuajse të pamundur të ushqehet.

“Sikur kjo të mos mjaftonte, shtohet edhe kjo: Blerta pothuajse nuk mund të marrë më ushqim. Kur them pothuajse, e kam fjalën vërtet për atë asgjë! Sepse stomaku/zorrët e saj mezi funksionojnë. Asgjë nuk del më dhe gjithçka grumbullohet lart. I gjithë sistemi i zorrëve është i përflakur”, tha ai.

Ai tregoi gjithashtu se për një kohë të shkurtër, gruaja e tij ka humbur shtatë kilogramë. “Ajo ka humbur mbi 7 kg në një kohë shumë të shkurtër dhe në spital nuk bëjnë asgjë më shumë sesa medikamente dhe masa që ajo tashmë i merr në shtëpi. Dhe si duket, gjithçka do të çojë në faktin që ajo do të duhet sërish një port”. “Jam pafundësisht i trishtuar dhe është jashtëzakonisht e vështirë kur shpresa jote ka qenë kaq e madhe, kur vijnë kaq shumë goditje njëra pas tjetrës dhe gruaja jote dëshiron të luftojë, por trupi i saj nuk bashkëpunon”, ka shkruar Blero./Klankosova.tv