Bleu të gjitha biletat për të qenë vetëm me gruan në aeroplan

Një burrë i pasur indonezian, i cili ndau fotografi nga një aeroplan ku ai dhe gruaja e tij ishin pasagjerët e vetëm, tha se ai i bleu të gjitha biletat që ishin në dispozicion për fluturim për të parandaluar ekspozimin ndaj COVID-19. Richard Muljadi, një person i famshëm për stilin e tij ekstravagant të jetës, postoi një seri fotosh në Instagram të cilat tregojnë se ai dhe gruaja e tij ishin vetëm duke udhëtuar nga Xhakarta në Bali. Muljadi tha se bleu shumë bileta për fluturimin, sepse ai dhe gruaja e tij Shalvynne Chang, ishin ‘super paranojakë’ për t’u ekspozuar ndaj COVID-19. Ai nuk e bëri të ditur se sa pagoi për të qenë i vetëm në aeroplan por shkroi se shuma ishte më e lirë se sa në një avion privat. Kompania tha se Muljadi kishte rezervuar vetëm dy bileta në emrin e tij, por ishte e paqartë nëse ai kishte blerë bileta të tjera në një rezervim të veçantë, shkruan Upi, transmeton Klan Kosova.