Blinken i kërkon Lavrovit ndaljen e luftës në Ukrainë (VIDEO)

Sekretari amerikan i Shtetit, Antony Blinken, dhe ministri i Jashtëm rus, Sergey Lavrov, biseduan shkurtimisht të enjten gjatë samitit të G20 që po mbahet në Nju Delhi të Indisë. Ishte ky i fundit që përkundër kundërshtimeve të mëdha, që u nis drejt diplomatit rus dhe i foli  për 10 minuta. Në përballjen e parë që nga pushtimi i Ukrainës, Lavrov e Blinken folën sy më sy për tre pika. Amerikani i kërkoi homologut të tij ndaljen e luftës në Ukrainë, derisa e siguroi që mbështetja e Uashingtonit nuk do të mungojë për shtetin e drejtuar nga Volodymyr Zelesnky deri në triumf, njofton Klan Kosova. Në këtë kontakt të shkurtër, Bliken i ka kërkuar Lavrovit të ndryshojë edhe vendimi i Vladimir Putin për pezullimin e pjesëmarrjes në marrëveshjen nukleare dhe të lirojnë të arrestuarin amerikan, Paul Whelan. Tre kërkesat e tij i bëri publike vetë sekretari amerikan, i cili nuk dha detaje se çfarë përgjigje mori nga kryediplomati rus. Hera e fundit që Blinken dhe Lavrov u takuan personalisht ishte para pushtimit rus. Ndërkaq, në samitin e fundit të G20 në Bali që u mbajt në korrikun e kaluar, të dy kryediplomatët nuk folën me njeri-tjetrin teksa Lavrov ishte larguar nga samiti pas kritikave të shumta për luftën në Ukrainë. Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS https://www.youtube.com/watch?v=l5q8hJWV-G8