Bllokada në Angli mund të vazhdojë, paralajmëron ministri britanik

Bllokada njëmujore në Angli e shpallur nga Kryeministri Boris Johnson këtë fundjavë mund të zgjatet. Kështu ka paralajmëruar ministri i lartë i kabinetit Michael Gove, shkruan Reuters, transmeton Klan Kosova. “Mund të themi përfundimisht se nëse nuk marrim masa tani, [shërbimi shëndetësor] do të mbingarkohet në mënyrë që askush prej nesh nuk mund ta pranojë”, ka thënë Gove. I pyetur nëse bllokada mund të zgjatet përtej dhjetorit, ministri Gove është përgjigjur "Po". Kujtojmë se Mbretëria e Bashkuar e ka numrin më të madh të vdekjeve zyrtare në Evropë nga COVID-19 dhe po përballet me më shume se 20 mijë raste të reja në ditë.

klankosova.tv