Boksierja Sadiku: Besoj se Haxhia do të fitojë sonte

Boksierja kosovare, Donjeta Sadiku, ka thënë se sonte Robin Haxhi Krasniqi do ta mbrojë titullin e tij të kampionit të botës në boks në kategorinë e rëndë "IBO WBA". Ajo, në Sport Show të Klan Kosovës, ka deklaruar se beson që Krasniqi është i përgatitur për duelin e sotëm. "Besoj se Robin Haxhi Krasniqi do të korrë fitore sonte, po ashtu besoj se do të jetë shumë mirë për këtë përballje. Mendoj se ka punuar shumë deri tani për këtë dhe i uroj shumë suksese". "Duhet të punohet shumë për të arritur deri këtu. Askush nuk e di se çfarë sakrifice duhet të bëhet për të arritur deri këtu, besoj se Haxhia ka me korrë fitore dhe ka me ju shpërbly mundi", ka thënë Sadiku, njofton Klankosova.tv. Krasniqi  sonte do të përballet me Dominic Bosel për të mbrojtur titullin që e fitoi vitin e kaluar.