Botërori i xhudos: Sot garon Distria Krasniqi

Sot nis botërori i xhudos. Garat do të mbahen në kryeqytetin e Hungarisë në Budapest. Ndeshjet kanë nisur në ora 10:00. Kampionia olimpike dhe dy herë e botës, Majlinda Kelmendi do të pushojë, bashkë me medalisten e bronztë të botës, Loriana Kuka. Por, në Budapest do të marrin pjesë kampionët e Evropës për këtë vit, Distria Krasniqi e Akil Gjakova, kampionia e Evropës 2018, Nora Gjakova, si dhe Laura Fazliu e Flaka Loxha. Krasniqi, që garon sot (e diel), llogaritet favorite për të fituar medalje në kategorinë e saj deri në 48 kg. Distria është e para në renditjen botërore dhe olimpike. Akili garon në kategorinë -73 kg, ndërsa Nora e Flaka në -57 kg. Laura është në -63kg. Ky kampionat vjen një muaj e gjysmë para se të mbahen Lojërat Olimpike "Tokyo 2020".