Brazili regjistron numrin më të lartë të vdekjeve nga COVID-19 brenda një dite

Brazili raportoi 1 mijë e 641 viktima nga COVID-19 të martën, shifër kjo më e larta ditore që nga fillimi i pandemisë, sipas të dhënave nga Ministria e Shëndetësisë. Brazili deri tani ka 10 milionë e 646 mijë e 926 të infektuar dhe 257 mijë e 361 viktima, shkruan CNN, transmeton Klan Kosova. Brazili radhitet në vendin e dytë më të lartë të vdekjeve në të gjithë botën pas Shteteve të Bashkuara të Amerikës, sipas të dhënave nga Universiteti Johns Hopkins. Po ashtu Brazili ka vaksinuar pak më shumë se 3% të popullsisë kundër COVID-19.